Astanada Qordaı men Aınakól kósheleriniń qıylysy ýaqytsha jabylady
ASTANA. KAZINFORM — 17–21 qarasha aralyǵynda elordanyń Almaty aýdanyndaǵy Qordaı men Aınakól kósheleriniń qıylysynda ınjenerlik jelilerdi salý jumystary júrgiziledi. Bul týraly Astana qalasy ákimdigi málim etti.
Osyǵan baılanysty atalǵan ýchaskede avtokólik qozǵalysy ýaqytsha toqtatylady.
— Júrgizýshiler men jaıaý júrginshilerden qozǵalys baǵytyn aldyn ala josparlap, jol qozǵalysyn uıymdastyrýdaǵy ýaqytsha ózgeristerdi eskerýdi suralady, — dep eskertti ákimdikten.
Aıta keteıik, 7 qarashadan bastap Astanada avtobýs jolaǵyn paıdalaný tártibi ózgerdi.
Sondaı-aq elordada Almaty kóshesinde kólik tonneliniń qurylysy jalǵasyp jatqanyn jazdyq. Atalǵan ýchaskede kólik qozǵalysyn 2027 jyldyń sońyna deıin ashý josparlanyp otyr. Kólik tonneli Máńgilik El dańǵylynan Saýran kóshesine deıingi aralyqty jalǵamaq. Búginde aýmaqta ınjenerlik jelilerdi kóshirý, aýmaqty daıyndaý jáne burǵylanǵan qadalardy ornatý jumystary júrgizilip jatyr.