Astanada Qordaı kóshesi bir aptaǵa tolyq jabyldy
ASTANA. QazAqparat – Astanada jol qurylysy jumystaryna baılanysty Qordaı kóshesi bir aptaǵa tolyǵymen jabyldy. QazAqparat bul týraly qala ákimdigi saıtyna silteme jasap habarlaıdy.
«Osy jyldyń 2-8 mamyry aralyǵynda ortasha jóndeý júrgizilýine baılanysty B.Momyshuly dańǵylynan Balqantaý kóshesine deıingi ýchaskede Qordaı kóshesi boıymen kólik qozǵalysy tolyǵymen jabylady.
Elorda turǵyndary men qonaqtary joldarda keptelisti boldyrmaý maqsatynda óz marshrýtyn aldyn ala josparlaýy qajet.
Qalalyq qoǵamdyq kólik qozǵalysynyń ózgertilgen shemasymen CTS JShS-niń Instsgram-daǵy resmı paraqshasynan tanysýǵa bolady», - delingen málimette.
Jóndeý jumystaryna baılanysty № 121 baǵdardyń qozǵalys syzbasy ózgerdi.
