Astanada kópten kútken Kúmisbekov kóshesi ashyldy

ASTANA. QazAqparat - Búgin Astanadaǵy Kúmisbekov kóshesinde jol qozǵalysy ashyldy. «Saryarqa» aýdanynyń turǵyndary bul sátti 2007 jyldan beri kútken edi, dep habarlaıdy elorda ákimdiginiń medıa ortalyǵy.

«Kósheniń qurylysynyń sozylyp ketýi qurylyspen shektesip jatqan jyljymaıtyn nysandardyń súrilýimen baılanysty boldy. On jyl ishinde 70 shaqty jyljymaıtyn nysan súrildi», - dep málimdeıdi kommýnaldyq sharýashylyq basqarmasynyń ınfraqurylym bóliminiń basshysy Jasulan Baıjanov.

Qurylys-montaj jumystary Astana qalasynyń ákimi Áset Isekeshevtiń tapsyrmasy men turǵyndardyń ótinishi boıynsha bir jyl ishinde belgilengen merzimnen buryn aıaqtaldy. Bul Saryarqa men Bógenbaı dańǵyly boıynsha trafıkti júkteý men avtotransport aǵymyn kóbeıtýge múmkindik beredi. Jobany tolyǵymen aıaqtaý 2018 jylǵa josparlanyp otyr.

Kúmisbekov kóshesiniń jalpy uzyndyǵy 1600 metr, onyń 1220 metri qaıta jóndeýden ótti. Jóndeý kezinde ınjenerlik jeliler men kósheniń úsh jaǵyna da asfalt tóseldi.

«Bıyl osy jóndeý júrip jatqan jerdegi úılerdi súrip tastaý máselesi sheshilip, qurylys-montajdaý jumystary mamyrda bastaldy», - deıdi Jasulan Baıjanov.

Qurylys-montaj jumystary kezinde kósheler keńeıtildi. Paıdalanýǵa berilgennen keıin alty jolaqty bolady.