Astanada kópirden ózenge sekirgen qyz jedel járdemge tapsyryldy

ASTANA. KAZINFORM — Astanada TJM qyzmetkerleri Esil ózeninen qyzdy qutqardy.

skoraıa pomoş
Foto: Aǵybaı Aıapbergenov / Kazinform

Saryarqa aýdanynda, Sh. Beısekova kóshesindegi kópir mańynda 2006 jyly týǵan qyz kópirden Esil ózenine sekirgen.

— Oqıǵa ornyna TJM qutqarýshylary jedel jetti. Jedel-qutqarý jasaǵynyń qyzmetkerleri júzý quralynyń kómegimen qyzǵa jetip, ony sýdan shyǵaryp, jaǵaǵa jetkizdi. Qyz jedel medıtsınalyq járdem brıgadasyna tapsyryldy, — delingen habarlamada.

TJM azamattardy óz ómiri men densaýlyǵyn saqtaýǵa, qaýip-qaterge barmaýǵa shaqyrady. Tótenshe jaǵdaı týyndaǵan kezde dereý 112 nómirine habarlasyńyz.

Buǵan deıin Atyraýda ózenge sekirgen er adam qutqarýshylardy ábigerge salǵanyn jazdyq.