Astanada kóppáterli turǵyn úılerdegi energııa únemdeý jáne termojańǵyrtý máselelerine arnalǵan respýblıkalyq semınar ótedi
Bul týraly «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-nyń baspasóz qyzmetinen habarlady.
Semınar QR turǵyn úı-kommýnaldyq sharýashylyǵyn jańǵyrtýdyń 2011-2020 jyldarǵa arnalǵan baǵdarlamasyn túsindirý jáne kóppáterli turǵyn úılerge jóndeý júrgizý tájirıbesimen tanystyrý maqsatynda ótkizilmek. Semınarǵa qatysýǵa energetıka jáne TKSh basqarmalarynyń, turǵyn úı ınspektsııasynyń, PIK qaýymdastyqtarynyń basshylary, kondomınıým obektilerin basqarý organdarynyń, basqarýshy jáne servıstik kompanııalardyń, kommýnaldyq kásiporyndardyń ókilderi shaqyryldy. Olar úshin 2011-2020 jylǵa deıingi Baǵdarlama sheńberinde jóndelgen kóppáterli turǵyn úıler boıynsha jáne Astana qalasynyń kommýnaldyq kásiporyndary men nysandaryna ekskýrsııa uıymdastyrylatyn bolady. Sondaı-aq, qatysýshylar semınar kúnderinde S. Seıfýllına atyndaǵy QazATÝ janyndaǵy Energııa únemdeý jáne bilim taratý ortalyǵyna barady.
Іs-sharada Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttigi Turǵyn úı sharýashylyǵy departamentiniń dırektory Vasılıı Maslov pen «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Basqarma tóraǵasy Tóleýtaı Raqymbekov baıandamalar jasaıdy dep kútilýde. Sondaı-aq Estonııa men Belarýs elderiniń jetekshi sarapshylary - Kinnisvarakeskkonna Ekspert OÜ Basqarma múshesi Meelıs Pıaaronyń, Turǵyn úı ınstıtýty - S.S. Ataev atyndaǵy ǴZJTQI bas dırektory Vladımır Pılıpenkonyń, Turǵyn úı ınstıtýty - S.S. Ataev atyndaǵy ǴZJTQI bas dırektorynyń birinshi orynbasary Leonıd Danılevskııdiń baıandamalary kútilýde.
Semınardy uıymdastyrýshylar - QR Qurylys jáne turǵyn úı-kommýnaldyq sharýashylyq isteri agenttigi men «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ.