Astanada kópqabatty úıdiń shatyry órtendi
ASTANA. QazAqparat - Astanada kópqabatty úıdiń shatyry janyp jatyr, dep habarlaıdy QR ІІM-niń Tótenshe jaǵdaılar qyzmeti.
Vedomstvonyń aqparaty boıynsha, 23 maýsym kúni saǵat 17-52-de Músirepov kóshesiniń boıynda besqabatty úıdiń besinshi qabatynan órt shyǵyp, ol úıdiń shatyryna ulasqan.
Qazirgi tańda órtengen aımaqtyń kólemi aıqyndalýda. Oqıǵa ornynda Tótenshe jaǵdaılar salasynyń 12 dana tehnıkasy men 53 qyzmetkeri jumys istedi. Evakýatsııa sharalary júzege asyryldy.
Saǵat 19:05-te órt tolyǵymen sóndirildi.
Bastapqy málimet boıynsha 600 sharshy metr aýmaqty órt sharpyǵan.
