Astanada kópqabatty úıdiń balkondary órtendi - QR TJM
ASTANA. 20 tamyz. QazAqparat - Astanadaǵy Saryarqa aýdanynda jeksenbi kúni saǵat 16:07-de 9 qabatty turǵyn úıdiń 7-9 qabat aralyǵyndaǵy balkondary men qaptamasy (alıýkobond) órtene bastady, dep habarlaıdy QR TJM-nen.
Órt bir saǵattan keıin tolyq sóndirildi. Ony sóndirýge QR TJM Astana qalalyq TJD órt sóndirý qyzmetindegi jeke quramnyń 28 adamy men 4 tehnıkasy jumyldyryldy. Jalyn tili 40 sharshy metr aýmaqqa tarady. Qaza tapqandar men zardap shekkender joq.
