Astanada kópqabatty úıdiń 68% basqarýdyń jańa formasyna kóshti
«Búginde elordada 3097 kóppáterli turǵyn úı bar. Sonyń ishinde 2808 kóppáterli turǵyn úı menshik ıeleri birlestigine (MIB) ótýge jatady. Atalǵan statıstıkanyń ishinde 289-y shaǵyn otbasylyq jataqhana, vedomstvolyq, apatty jaǵdaıdaǵy jáne taǵy basqa sanatqa jatatyn turǵyn úıler. Olar menshik ıeleri birlestigi júıesine óte almaıdy. Qazirgi ýaqytta elordada 700-ge jýyq MIB qurylǵan», - dedi Nur-Sultan qalasy Saryarqa aýdandyq turǵyn úı ınspektsııa bóliminiń bas mamany Raqysh Ánýar qala ákimdigi qabyrǵasynda ótken baspasóz máslıhatynda.
Sondaı-aq spıker 700-ge jýyq MIB-ten bólek, 1085 jaı seriktestik (JS) jumys istep turǵanyn tilge tıek etti.
«2020 jyly elimizde turǵyn úı zańnamasyna tolyqtyrýlar men ózgerister engizildi. Sonyń aıasynda turǵyn úı keshenderin basqarýdyń 2 joly bar. ıAǵnı, múlik ıeleri birlestigi jáne jaı seriktestik. Atalǵan basqarý formalary burynǵy PIK-tiń (páter ıeleri kooperatıvi) ornyna kelip otyr. Kóppáterli úıdi basqarýdyń jańa júıesine kóshýge qatysty turǵyndar úshin túrli túsindirý sharalary ótip turady. Halyqqa zańnamadaǵy ózgeristerdi túsindirip, mazalaǵan suraqtaryna jaýap beremiz. Árıne, kez kelgen reforma ońaılyqpen júzege aspaıdy. Qıynshylyqtar, eskerilmegen jaǵdaılar bolady», - deıdi ol.
Onyń aıtýynsha, turǵyndar az turatyn kóppáterli baspanalarda MIB-tiń tóraǵasyn saılaý qıynǵa soǵyp jatady.
«Qazirgi tańda elorda boıynsha kóppáterli turǵyn úılerdiń 68 paıyzy menshik ıeleri birlestigine jáne jaı seriktestikke ótti. Atap aıtqanda, Esil jáne Almaty aýdandarynda basqarýdyń jańa júıesine kóshý qarqyndy júrip jatyr. Turǵyndardyń saýalyna jaýap berý jáne kómek kórsetý maqsatynda «Aıqamal» qaýymdastyǵy jáne qalalyq Menshik ıeleri birlestiginiń ortalyǵy jumys istep tur», - dedi Raqysh Ánýar.
Ákimdik ókiliniń málimetine sáıkes, elordada aı saıyn 300-ge jýyq turǵyn menshik ıeleri birlestigin qurýǵa qatysty suraqpen keledi.
Eske salaıyq, bıylǵy maýsym aıynyń sońynda energııa únemdeý týraly zań jobasyna ózgeris engizildi. Qujatta páter ıeleri kooperatıvteri (PIK) men kondomınýımdardyń qyzmetin 2023 jylǵy 1 shildege deıin uzartý máselesi bar. PIK-ter men kondomınýımdar óz qyzmetin 2022 jyldyń 1 shildesinde aıaqtap, olardyń ornyna kópqabatty úı turǵyndary múlik ıeleri birlestikterin (MIB) nemese jaı seriktestikterdi (JS) qurýys tıis bolatyn. ıAǵnı, qazaqstandyqtarǵa óz úılerin basqarýdyń jańa formasyn rásimdeýge taǵy bir jyl ýaqyt berildi.
