Astanada kópqabatty úıdegi órtten 6 adam qutqaryldy
ASTANA. QazAqparat - Bes qabatty úıde bolǵan órt kezinde elordalyq qutqarýshylar 6 adam, onyn ishinde 2 balany qutqardy, dep habarlaıdy QazAqparat vedomstvonyń baspasóz qyzmetine silteme jasap.
«2019 jylǵy 17 qańtarda saǵat 22:16-da «101» ortalyq pýnktine Kúıshi Dına kóshesindegi órt týraly habarlama kelip tústi. 5 mınýttan keıin shaqyrtý ornyna jetken órt sóndirýshiler 5 qabatty turǵyn úıde as úı jıhazy, turmystyq tehnıka jáne dekoratıvti tóbe bólshekteriniń janyp jatqanyn anyqtady. Kire beris qatty tútindegen, adamdarǵa qaýip tóngen. Órt sóndirýshiler janyp jatqan jáne kórshi páterlerden eresekter men balalardy qutqardy» delingen habarlamada.
Órt kezinde 6 adam, onyń ishinde 2 bala qutqaryldy. Jalyn 22:38-de oqshaýlanyp, 22:41-de tolyq sóndirildi. Oqıǵa saldarynan 1972 jyly týǵan er adam tútin ıisine ýlanyp, №1 qalalyq aýrýhanaǵa jatqyzyldy.
Tilsiz jaý turmystyq quraldardaǵy elektr symdarynyń qysqa tuıyqtalýynan shyqqan. Ony sóndirýge 5 tehnıka, 19 qyzmetker jumyldyryldy.
