Astanada kópqabatty úıde bolǵan órtti sóndirýge TJD-niń 50 qyzmetkeri jumyldyrylǵan
ASTANA. QazAqparat - Búgin, 2 qarasha kúni saǵat 12:53-te «101» nómirine Saryarqa kóshesi boıyndaǵy 2-shi úıde órt bolyp jatqany týraly habarlama kelip túsken, dep habarlaıdy Astana qalalyq TJ departantiniń baspasóz qyzmetinen.
«Órt sóndirý bólimsheleriniń qyzmetkerleri oqıǵa ornyna jetkende 6 qabatty turǵyn úıdiń 4-shi jáne 5-shi qabattarynyń arasynda alıýkobondtyń astyndaǵy qabyrǵalardy jylytqysh janyp jatqany belgili boldy. Órt saǵat 13:17-de aýyzdyqtaldy», - delingen habarlamada.
Jalyn saǵat 13:33-te tolyq sóndirildi.
Qaza tapqandar men zardap shekkender joq. Órttiń aýmaǵy men shyǵý sebebi anyqtalýda.
Tilsiz jaýmen kúreske Astana qalalyq TJD órt sóndirý qyzmetiniń 8 negizgi, 10 arnaıy tehnıkasy jáne jeke quramynyń 50 adamy jumyldyrylǵan.
