Astanada kópqabatty úıden qulaǵan qyz mert boldy
ASTANA. KAZINFORM – Elordada 17 tamyzda Roza Baǵlanova 6 kóshesindegi turǵyn úıdiń 22-qabatynan qulaǵan qyz qaza tapty. Bul oqıǵaǵa qatysty qylmystyq is qozǵaldy.
Aldyn ala málimet boıynsha, qyz kópqabatty úıdiń terezesinen sekirip, alǵan jaraqaty saldarynan oqıǵa ornynda kóz jumǵan.
– Sýıtsıd faktisi boıynsha qylmystyq is qozǵaldy. Qazirgi ýaqytta oqıǵanyń barlyq mán-jaıy anyqtalyp jatyr, – dep habarlady Astana qalasynyń Polıtsııa departamenti.
Aıta keteıik, Óskemende kópirden sekirgen er adamnyń denesi tabyldy.
Sondaı-aq Almatyda besinshi qabattan sekirgen áıel kóz jumdy.
Atyraýda 6-qabattan sekirgen er adam oqıǵa ornynda mert boldy.
