Astanada kópqabatty úıdegi órt: áıel aýyr jaǵdaıda reanımatsııada jatyr
ASTANA. KAZINFORM — Astanada kópqabatty úıde bolǵan órt kezinde zardap shekken áıeldi úsh jedel járdem brıgadasy jetkizdi. Qazir onyń jaǵdaıy aýyr.
Málim bolǵandaı, zardap shekken áıeldi jedel túrde qalalyq kópsalaly №1 aýrýhanaǵa jetkizilgen. Dıagnozy – 2–3 dárejeli kúıik.
Qazirgi ýaqytta patsıentka reanımatsııa jáne qarqyndy terapııa bóliminde jatyr. Dárigerler onyń jaǵdaıyn aýyr dep baǵalaıdy.
Eske salsaq, órt 12 sáýir túnde, Túrkistan kóshesi, 14A mekenjaıynda ornalasqan kópqabatty páterde shyqqan. Oqıǵa ornynda úsh kámeletke tolmaǵan balanyń máıiti tabylǵan.
Osy fakti boıynsha qylmystyq is qozǵalǵan.
