Astanada 37 kópqabatty turǵyn úı zańsyz salynyp jatqany anyqtaldy

ASTANA. KAZINFORM –  Astana qalasynyń prokýratýrasy jekelegen kompanııalar úleskerlerdiń aqshasyn zańsyz tartatynyn málimdedi.

Osy negizder boıynsha bıyl atalǵan buzýshylyqtar úshin ÁQBtK-tiń 320-babymen 64 qurylys nysany boıynsha 51 qurylys salýshy ákimshilik jaýapkershilikke tartyldy.

12 qurylys salýshyǵa qatysty qylmystyq is tergelip jatyr.

Astana qalasynyń prokýratýrasy turǵyn úı qurylysyna úlestik qatysý kelesi tásilderdiń birimen uıymdastyrylatynyn eske salady:

1) Turǵyn úı qurylysynyń biryńǵaı operatorynyń (Qazaqstan turǵyn úı kompanııasy) kepildigin alý;

2) ekinshi deńgeıdegi banktiń jobasyna qatysý;

3) ǵımarattyń qańqasy salynǵannan keıin úleskerlerdiń aqshasyn tartý.

Azamattardyń qarajatyn basqa tásildermen tartýǵa tyıym salynady (aldyn ala brondaý sharty, brondaý, ınvestıtsııalaý, talap etý quqyǵyn basqaǵa berý).

Jańa soǵylyp jatqan úıden páter satyp almas buryn, qurylys salýshynyń senimdiligin tekserińiz.

Ol úshin  myna siltemeni basý arqyly salynyp jatqan obektilerge kepildik berý sharttarynyń tizilimimen («Kepildik obektileri» qoıyndysy), sondaı-aq Qazaqstan turǵyn úı kompanııasy shyǵarǵan kepildik sertıfıkattarymen tanysýǵa bolady («Sertıfıkattar» qoıyndysy).

Eger Ciz josyqsyz ázirleýshige tap bolsańyz 71-24-87 nómirine qońyraý shalyńyz.