Astanada kópqabatty turǵyn úı órttendi
ASTANA. KAZINFORM - Astana qalasy Ǵ. Músirepov kóshesindegi on qabatty turǵyn úıde órt shyqqan.
Alǵashqy órt sóndirý bólimsheleri kelgen kezde toǵyzynshy qabattaǵy páterde jıhaz ben úı zattarynyń ashyq jalynmen janyp jatqany baıqaldy. Qutqarýshylar jedel túrde órtti sóndirýge kiristi. Úı turǵyndary órt sóndirý bólimsheleri kelgenge deıin ózdiginen evakýatsııalandy.
Órt qysqa merzim ishinde tolyqtaı sóndirildi. Zardap shekkender joq.
Aıta ketelik Astanada salynyp jatqan 12 qabatty úıden órt shyqqan edi.
