Astanada kópbalaly jáne tolyq emes otbasylar úshin merekelik dastarhan jaıylady
ASTANA. 5 qyrkúıek. QazAqparat - Astanada Otbasy kúnin atap ótýge oraı kóp balaly jáne tolyq emes otbasylar, múgedek balany tárbıelep otyrǵan otbasylar, tyl qyzmetkerleri men zeınetkerler keshki dastarhanǵa shaqyrylady. Bul týraly astana.kz saıtyna Astana qalasy Esil aýdanynyń ákimi apparatynan habarlady.
Bıyl Otbasy kúnin atap ótý aıasynda elordada halyqtyń túrli toptaryn qamtıtyn birqatar is-sharalar júzege asyrylady. 6 qyrkúıekte Esil aýdany ákimi apparatynda aýdan ákimi otbasylarǵa syı retinde sertıfıkattar tabys etedi. Budan basqa, aýdan ákiminiń apparaty «Tsesnabank» AQ birlesip, az qamsyzdandyrylǵan otbasydan shyqqan 50 balaǵa arnalǵan mektepke jınaý boıynsha is-shara uıymdastyrady. Olar úshin qajetti keńse zattaryn satyp alýǵa sertıfıkattar daıyndaldy. 6 qyrkúıekte «Azııa park», «Kerýen», «Mega», «Saryarqa» jáne «Han Shatyr» saýda-oıyn-saýyq ortalyqtarynda attraktsıondar parkinde qyzyqty baǵdarlama ázirlenedi. Atalǵan aktsııa aıasynda kóp balaly jáne az qamsyzdandyrylǵan otbasylardan shyqqan 200 bala qamtylmaq. Eresekter de nazardan tys qalmaıdy. Esil aýdanynynyń Aardagerler keńesimen birlesip, qarttardy quttyqtaý rásimi ótedi.
Eske salaıyq, qalada Otbasy kúnine oraı birqatar merekelik is-sharalar ótkizý josparlanǵan. Atap aıtqanda, kontserttik baǵdarlamalar, sport jarystary, kezdesýler, fotosýretter men kitap kórmeleri.
