Astanada kópbalaly analar marapattaldy
ASTANA. 6 qyrkúıek. QazAqparat - Búgin Otbasy kúnine oraı Astana qalasy Almaty aýdanynyń ákimi Saǵyn Bekbol kópbalaly analarǵa «Altyn alqa» jáne «Kúmis alqalardy» saltanatty túrde tapsyrdy.
Aýdan ákimi atap kórsetkendeı, QR Prezıdentiniń aǵymdaǵy jyly 1 naýryzda qol qoıǵan arnaıy Jarlyǵyna sáıkes, qyrkúıektiń ekinshi jeksenbisi Otbasy kúni merekesi retinde bekitildi. Osyǵan oraı, ol birqatar kópbalaly analardy Otbasy kúnimen quttyqtap, «Altyn alqa» jáne «Kúmis alqalardy» saltanatty túrde tabys etti.
Jalpy, 2010 jyldan bastap Astana qalasy Almaty aýdanynda turatyn 1303 kópbalaly ananyń 655-si - «Altyn alqamen», 648-i «Kúmis alqamen» marapattaldy.
