Astanada kóp kólemde kómir jetkizilgen bólshek saýdalaý oryndary jarııalandy
ASTANA. QazAqparat - Astana qalasynyń aýmaǵyndaǵy kóp kólemde kómir jetkizilgen bólshek saýdalaý oryndary týraly aqparatty qala ákimdiginiń baspasóz hatshysy Elvıra Júrgenbaeva Feısbýktegi paraqshasynda jazdy.
Buryn habarlanǵandaı , qalaǵa qyrkúıektiń basynan beri 46,7 myń tonna qatty otyn jetkizilgen. Búgin Astanaǵa 5 600 tonna Shubarkól kómiri túsirildi. Eki kún boıy taǵy da 5 myń tonna kómir ákelinýi kózdelip otyr.
1 qyrkúıekten 11 qazanǵa deıin Astana stansasynda 46 726 tonna (Shubarkól - 8 349 t, Qarajyra - 16 704 t, Maıkúbi - 21 673 t) kómir túsirildi. Jalpy 667 vagon jetkizildi, bul 2016 jyldyń osy kezeńimen salystyrǵanda 30%-ke kóp degen sóz.
Astana qalasynyń aýmaǵynda ornalasqan iri kómir satý oryndary mynalar:
Et kombınaty, Kóktal k., 78, 11 500 teńge (Shubarkól);
Abaı-Jubanov kósheleriniń qıylysynda, Jubanov k., 35, 11 500 teńge (Shubarkól);
Qyrqynshy stansa, J. Jabaev k., 76, 11 500 teńge (Shubarkól);
Gertsen k., 6/2, 11 500 teńge (Kýznetsk);
Kenmart, Qaraǵandy tas joly, 10 500 teńge (Qarajyra);
Beton ortalyǵy, Dýlatov k., 182, (Qarajyra, 2-sort), tutyný kómiri - 13 500 teńge, suryptalǵan kómir - 14 000 teńge;
Ortalyq bazar, Alash tas joly, 19/1, 11 500 teńge (Shubarkól).
