Astanada kóp qabatty úı terezesinen úsh jasar bala qulap ketti
ASTANA. QazAqparat - Astanada kóp qabatty úı terezesinen úsh jasar bala qulap ketip, oqıǵa ornynda kóz jumdy, dep habarlady «QazAqparat» HAA.
Bul aqparatty TJK resmı ókili Rýslan Imanqulov rastady. Oqıǵa 27 shildede saǵat 18.00-de Kúmisbekov kóshesi boıyndaǵy úıde oryn aldy. «Ata-anasynyń qaraýynsyz qalǵan 2014 jyly týǵan bala altynshy qabatta ornalasqan páter terezesinen qulap, oqıǵa ornynda qaza tapty», - dep habarlady Rýslan Imanqulov.
Onyń aıtýynsha, jaz bastalǵanda balalar kóbinese eresekterdiń qaraýynsyz qalyp jatady, osy kezde órt, jazataıym oqıǵalar sany artady. «Statıstıka boıynsha Astanada jyl basynan bastap 9 bala zardap shekkenin kórsetti, onyń 5-eýi aýrýhanaǵa jetkizilip, 4-eýi qaza tapqan. 1-eýi terezeden qulap kete jazdap, qutqarylǵan. Negizinen olar ata-anasynyń qaraýynsyz qalǵan balalar», - dedi Rýslan Imanqulov.
