Astanada kontrafaktilik ónimderdi shyǵaryp kelgen Ózbekstan azamaty ustaldy
ASTANA. 29 naýryz. QazAqparat - Astana aýmaǵynda 26 naýryzdan beri «Kontrafakt» atty shuǵyl-aldyn alý sharasy ótip jatyr.
Qalalyq ІІD-niń Tergeý boıynsha basqarmasynyń qyzmetkerleri atalǵan shara aıasynda jeke turǵyn úıde 1981 jyly týǵan Ózbekstan azamatyn ustady. Onyń turǵylyqty jerinen kontrafaktilik dybys-beıne jazbalary ónimderin daıyndaý boıynsha jasyryn tseh anyqtaldy.
Nysandy tekserý barysynda 370 dana DVD-dıskidegi kınofılmder, 160 dana CD-dıskiler, 7 DVD jazatyn jabdyqtar, dıskilerge arnalǵan 900 dana faıldyq oramalar, sondaı-aq túrli-tústi prınter men skaner, qaǵaz qııatyn quraldar tárkilendi.
Atalǵan fakti boıynsha kompıýterlik-tehnıkalyq saraptama taǵaıyndaldy.
