Astanada kontrafaktili ónimdi zańsyz saýdalaıtyn 16 oryn anyqtaldy
ASTANA. 19 qazan. QazAqparat - Astanada kontrafaktili dybys-beıne jazý ónimderin zańsyz satatyn 16 oryn anyqtalyp, jalpy somasy 1 635 000 teńgeni quraıtyn DVD/SD formatyndaǵy 3270 dıski tárkilendi. Bul týraly Ádilet departamentiniń baspasóz qyzmetine silteme jasap astana.kz habarlady.
Jedel aldyn alý is sharasy barysynda kontrafakt ónim taratqan 16 azamat ustaldy. «QR qylmystyq is-júrgizý zańnamasynyń talaptaryna sáıkes, 19-35 jastaǵy tulǵalar jáne tárkilengen zattar protsessýaldyq sheshim qabyldaý úshin ishki ister organdaryna jetkizildi», - delingen habarlamada.
Eske sala keteıik, jedel aldyn alý is sharalary qoǵamnyń joǵary qyzyǵýshylyǵyn týdyratyn kontrafaktili dybys-beıne ónimderin zańsyz iske asyrý faktisin anyqtaý jáne aldyn alý maqsatynda qolǵa alyndy. Atalǵan sharalardy Ádilet departamentiniń zııatkerlik menshik quqyqtary jónindegi bólimi Astana qalasy Almaty aýdany ІІB 3-PB, Saryarqa aýdany ІІB 23-PB jáne Saryarqa, Almaty aýdandarynyń Ákimdigimen birlesip, ortalyq bazar jáne «Artem» saýda úıiniń aýmaǵynda ótkizildi.
