Astanada Konstıtýtsııanyń 30 jyldyǵy qalaı atap ótiledi
ASTANA. KAZINFORM — Bıyl Qazaqstanda Konstıtýtsııanyń qabyldanǵanyna 30 jyl tolady. Osy tarıhı mereıtoıǵa oraı elordada merekelik, sporttyq, mádenı jáne tanymdyq is-sharalardyń tutas legi uıymdastyrylady.
Baǵdarlamada týrnırler, dárister, quqyq sabaqtary, kontsertter, festıvalder jáne taǵy basqa kóptegen is-shara bar.
23 tamyz kúni Baıqońyr aýdany ákiminiń kýbogy úshin memlekettik organdar arasynda «Zań jáne tártip» tujyrymdamasy aıasynda fýtbol týrnıri ótedi.
24 tamyzda Qazaqstan Respýblıkasy Konstıtýtsııasynyń 30 jyldyǵyna oraı «Ulytaý» sport-saýyqtyrý kesheninde qyzdar arasynda qala chempıonaty – ashyq voleıbol jarysy uıymdastyrylady. Sol kúni Trıatlon saıabaǵynda «ALMATY RUN» júgirý marafony ótedi.
25 tamyzda saǵat 15:00-de №4 qalalyq kitaphana oqyrmandaryn «Ata zańymyz – aıbatty!» atty quqyq sabaǵyna shaqyrady.
Belsendi uzaq ómir súrý ortalyǵynda zeınetkerler arasynda shahmattan jarys ótedi. E.Serkebaev atyndaǵy balalar mýzyka mektebi osy kúni «Konstıtýtsııa – birliktiń sımvoly» atty chellendjdi bastaıdy.
26 tamyzda Baıqońyr aýdany ákimdigi men Táttimbet atyndaǵy №1 óner mektebi «Aıbarly asqar eldi asqaqtatar ata zań!» taqyrybynda poezııa baıqaýyn ótkizedi.
27 tamyz kúni qala turǵyndary men qonaqtaryn mazmundy tanymdyq baǵdarlama kútip tur.
Bul kúni Astanada 13-14 jáne 15-16 jas aralyǵyndaǵy jasóspirimder arasynda velosporttan «Astana qalasynyń kýbogy», sondaı-aq kishi razrıadtaǵy sportshylar arasynda kórkem gımnastıkadan ashyq chempıonat ótedi.
«Jetisý» saıabaǵynda erekshe balalarǵa arnalǵan ınklıýzıvti festıval uıymdastyrylady. Sonymen qatar, elordalyq jastardyń aqsaqaldarmen kezdesýi ótedi. Urpaqtar dıalogy «Bizdiń zań – bizdiń bolashaq» taqyrybyna arnalmaq.
Jastar uıymdary ekologııalyq aktsııa ótkizip, Konstıtýtsııa kóshesindegi saıabaqty tazalaıdy.
Saǵat 11:00-de Ortalyq balalar men jasóspirimder kitaphanasy oqyrmandarǵa arnalǵan «Ata Zań – altyn dińgegimiz» atty kórme men taǵylym saǵatyn daıyndaıdy.
Ulttyq akademııalyq kitaphanada «Qazaqstan Respýblıkasy Konstıtýtsııasynyń 30 jyly: memlekettilikti nyǵaıtý jáne zań ústemdigi» atty kezdesý ótse, Ulttyq qoljazbalar men sırek kitaptar ortalyǵynda «Konstıtýtsııa – táýelsizdiktiń tiregi» atty kórme ashylady.
Esil aýdanynyń ákimdigi №103 orta mektepte «Konstıtýtsııa jáne men» taqyrybynda BIR TOLQYNDA dıalog alańyn ótkizedi. Al Baıqońyr aýdanynyń ákimdigi «Ata Zań» taqyrybynda poezııa baıqaýyn uıymdastyrady.
28 tamyz kúni saǵat 10:00-de zaǵıp jáne nashar kóretin azamattarǵa arnalǵan arnaıy kitaphanada «Aıbarly asqar eldi asqaqtatar ata zań» atty tanym saǵaty ótedi.
Ál-Farabı atyndaǵy Oqýshylar saraıy «Adaldyq – senim» atty chellendjdi bastaıdy.
Elordadaǵy Dostyq úıinde etnomádenı birlestikterdiń jastar qanattary arasynda «Konstıtýtsııa – ádilet pen birliktiń kepili» taqyrybynda pikirtalas ótedi.
Baıqońyr aýdanynyń ákimdigi 25 tamyzda balalar arasynda «Ata Zań – táýelsizdik tiregi» atty sýret baıqaýyn ótkizse, 29 tamyzda «Kitap Qala» kitaphanasynda «Konstıtýtsııa – máńgilik eldiń tuǵyry» atty kitap kórmesin uıymdastyrady.
27-28 tamyzda Baıqońyr aýdanynyń Belsendi uzaq ómir súrý ortalyǵynda eńbek ardagerleri arasynda ústel tennısi men shahmattan jarystar ótedi.
29-30 tamyzda da birqatar is-shara josparlanǵan.
28-30 tamyz kúnderi Nura aýdanynda sporttyq jarystar legi ótedi. 28 tamyzda saǵat 10:00-de №79 mektepte Konstıtýtsııa kúnine oraı «Ata zańym – aıbynym» atty oqýshylar arasynda shahmat týrnıri ótedi. 29 tamyzda saǵat 09:00-de №78 mektepte aýdan mekemeleri qyzmetkerleri arasynda shaǵyn fýtboldan týrnır uıymdastyrylady. 30 tamyzda saǵat 09:00-de №79 mektepte Nura aýdany quqyq qorǵaý organdary qyzmetkerleri arasynda shaǵyn fýtboldan jarys ótedi.
29 tamyzda saǵat 11:00-de «ALJIR» mýzeı-memorıaldy kesheninde «Ata zańym – aıbynym» atty dáris ótedi.
«Alataý» sport kesheninde osy ýaqytta quqyq qorǵaý organdary qyzmetkerleri arasynda qol kúresi, gir tasyn kóterý, arqan tartý saıystary uıymdastyrylady.
Qaladaǵy qoǵamdyq oryndarda – vokzaldarda, áýejaıda, saıabaqtarda, saýda ortalyqtarynda Qazaqstannyń Memlekettik týy taratylyp, tanymdyq vıktorınalar ótkiziledi.
29 tamyzda saǵat 19:00-de Erkeǵalı Rahmadıev atyndaǵy Memlekettik akademııalyq fılarmonııada «Jasaı ber, Qazaq eli» atty merekelik kontsert ótedi.
Sol kúni saǵat 19:00-de Esil ózeni jaǵalaýyndaǵy amfıteatrda «Ata Zań – azat eldiń arqaýy» atty kontserttik baǵdarlama ótedi.
Mereke kúnderi elordada respýblıkalyq balalar sýret baıqaýy «Qazaqstan Respýblıkasy Konstıtýtsııasyna – 30 jyl: men óz quqyqtarym men mindetterimdi bilemin» uıymdastyrylady.