Astanada Konstıtýtsııa kúni qarsańynda jańa saıabaq ashyldy
ASTANA. KAZINFORM - Elordanyń Baıqońyr aýdanynda QR Konstıtýtsııasynyń 30 jyldyǵyna oraı Ǵumar Qarash kóshesinde jańa alleıa turǵyndardyń ıgiligine berildi, dep jazdy qala ákimdiginiń resmı saıty.
Jalpy aýdany 1 700 sharshy metr bolatyn alleıa Sh.Imanbaeva kóshesinen Sh.Ýálıhanov kóshesine deıingi aralyqty qamtıdy. Keshendi abattandyrý barysynda 1 500 sharshy metrge jýyq kespetas jáne 500 sharshy metrden asa asfalt jabyny tóseldi.
Turǵyndardyń jaılylyǵy maqsatynda demalys oryndyqtary men qoqys jáshikteri ornatylyp, jaryqtandyrý júrgizildi. Sonymen qatar búgingi kúnge deıin osy aýmaqta asa ózekti máselelerdiń biri bolyp kelgen avtokólik joldary keńeıtildi. Sondaı-aq, avtoturaq alańyna qosymsha taǵy 40 kólik orny qosyldy. Abattandyrý nátıjesinde alleıaǵa irgeles ornalasqan №54 mekteptiń balalary úshin qaýipsiz jáne qolaıly jaıaý júrginshiler joly qamtamasyz etildi.
Aıta keteıik, bıyl Astanada shamamen 170 aýla men qoǵamdyq keńistik (saıabaqtar, gúlzarlar, jelekjoldar) abattandyrylyp jatyr. Bul jumys qaladaǵy barlyq aýdandy, onyń ishinde turǵyn alaptardy da qamtıdy. Búginde olardyń basym bóligi aıaqtaldy.
Aıta keteıik, Qonaevta zańsyz saýda oryndary buzylyp, ornyna saıabaq salynady.