Astanada Konstıtýtsııa kúnine oraı ótetin velojarysqa qala turǵyndary qatysa alady
ASTANA. QazAqparat - 24 tamyzda Astanada Konstıtýtsııa kúnine arnalǵan merekelik velojarys ótedi.
24 tamyzda Astanada Konstıtýtsııa kúnine arnalǵan jáne «Týr de Frans-2014» jeńimpazy «Astana» velokomandasynyń kapıtany Vınchentso Nıbalı men komanda músheleri ıAkob Fýlsang, Mıkele Skarponı, Maksım Iglınskııdiń jáne Dmıtrıı Grýzdevtiń, sondaı-aq velokomandanyń bas menedjeri, Olımpıada chempıony Aleksandr Vınokýrovtyń qatysýymen qazaqstandyq velosporttyń 100 jyldyǵyn atap ótý aıasynda merekelik velojarys ótedi. Jarys baǵyty «Saltanat saraıynyń» aldyndaǵy alańnan bastalyp, «Astana Arena» stadıonynyń aldyndaǵy alańǵa deıin jalǵasady. Jarys alańynyń uzyndyǵy - 4600 m. Velojarysqa kez kelgen qala turǵyny men qonaqtary qatysa alady, dep habarlanǵan elorda ákimdiginiń saıtynda.
