Astanada Konstıtýtsııa kúnine arnalǵan kontsert ótti (FOTO)

ASTANA. QazAqparat - Astanadaǵy Kongress-Holl saraıynda Qazaqstan Respýblıkasynyń Konstıtýtsııa kúnine arnalǵan kontsert bolyp ótti. Sharaǵa eńbek ardagerleri, bilim men medıtsına salasynyń qyzmetkerleri jáne qoǵamdyq birlestikter ókilderi shaqyryldy.

Qonaqtarǵa Astana qalasynyń memlekettik fılarmonııasy ártisteri óner kórsetip, án shyrqap, bı bıledi.

«Osy keremet keshti uıymdastyrýshylarǵa alǵysymyz sheksiz. Biz bul kontsertke barlyq ujym bolyp keldik jáne úlken áser aldyq. Bizge ánshiler shynaıy merekelik kóńil-kúı syılady. Konstıtýtsııa kúni Astanamyzda jylda osylaı keń kólemde atalyp ótip keledi. Bul elimizdiń eń basty zańy, sondyqtan barlyǵymyz ony qurmetteýge, saqtaýǵa mindettimiz. Barsha qazastandyqtardy osynaý úlken meırammen quttyqtaımyn!» - dedi 30 jyldyq jumys ótili bar dáriger Baǵıla Júsipova.