Astanada konkýrdan Challenge Cup fınaly bastaldy
ASTANA. KAZINFORM –QazirAstanada at sportynan iri halyqaralyq týrnırler ótip jatyr.
Elordada álem kýbogynyń kezeńi, Challenge Cup fınaly, sondaı-aq, CDI1/CDI3 sanatyndaǵy jarystar ótedi. Atalǵan dodalardyń barlyǵy Halyqaralyq at sporty federatsııasynyń (FEI) kúntizbesine engizilgen.
Básekege Brazılııa, Kolýmbııa, Úndistan, Marokko, Jańa Zelandııa, Ońtústik Afrıka Respýblıkasy, Mysyr, Ekvador, Reseı, Ózbekstan jáne ózge de elderdiń sportshylary qatysady.
QR UOK málimetinshe, jarys baǵdarlamasyna konkýr men atpen mánerlep júrý saıystary engen.
Aıta keteıik, 31 mamyrǵa deıin jalǵasatyn bul týrnırler 2026 jyly Germanııanyń Ahen qalasynda ótetin FEI álem chempıonatyna irikteý kezeńderiniń biri sanalady.
29-31 mamyr aralyǵynda Astanada alǵash ret Fédération Équestre Internationale (FEI) uıymynyń úsh halyqaralyq týrnıri bir mezette ótkizilmek. Elordada FEI álem kýbogynyń kezeńi, FEI World Cup Challenge fınaly jáne CDI1*/CDI3* halyqaralyq saıysy qatar uıymdastyrylatynyn jazǵan edik.
