Astanada konkýr boıynsha el kýbogy ótedi

ASTANA. KAZINFORM — 20-22 maýsym aralyǵynda «Arǵymaq» ASSK bazasynda kedergilerdi baǵyndyrý (konkýr) boıynsha Qazaqstan Respýblıkasy kýbogy ótedi. 

 Bul is-shara konkýrdan elimizdiń myqty sportshylarynyń basyn qosatyn, ári Qazaqstannyń at sporty kúntizbesindegi mańyzdy sharalardyń biri sanalady.

Jarysqa elimizdiń ár óńirinen shamamen 30 sportshy qatysady dep josparlanyp otyr. Olar eki sanatta jarysyp, túrli bıiktiktegi (120-den 145 sm-ge deıingi) alty túrli baǵyttardy baǵyndyrady.

Іs-shara Halyqaralyq at sporty federatsııasynyń (FEI) halyqaralyq standarttaryna tolyq sáıkes uıymdastyrylyp, ádil baǵalaý men joǵary deńgeıdegi tóreshilikti qamtamasyz etedi.

Júlde qory — 2 mln teńge. Jeńimpazdar men júldegerler kýbokpen, dıplommen jáne aqshalaı syılyqpen marapattalady.

Konkýr boıynsha Qazaqstan Respýblıkasy kýbogy – tek sporttyq jarys qana emes, sonymen qatar elde at sportynyń damýyna baǵyttalǵan mańyzdy alań. Jarystyń negizgi maqsaty – ulttyq qurama sportshylarynyń sheberligin arttyrý, bolashaǵy bar shabandozdar men tulparlardy anyqtaý jáne konkýr jarysyn keńirek nasıhattaý.

Aıta ketelik semserlesýden Azııa chempıonatynda Qazaqstan eki márte úzdik ondyqqa endi.