Astanada konkımen júgirýden Qazaqstan irikteý chempıonaty ótedi
ASTANA. KAZINFORM — 13-15 qazan aralyǵynda Astanada konkımen júgirýden jekelegen qashyqtyqtar boıynsha Qazaqstan chempıonaty ótedi.
Jarys Halyqaralyq konkımen júgirý odaǵynyń (ISU) aldaǵy álem kýbogy kezeńderinde el namysyn qorǵaıtyn eresekter jáne jasóspirimder arasyndaǵy Qazaqstan quramalaryn jasaqtaýǵa arnalǵan irikteý kezeńi bolady.
Básekege Qazaqstannyń kóshbasshy konkıshileri qatysady dep kútilýde. Olardyń qatarynda 2026 jylǵy qysqy Olımpıada oıyndaryna qatysqan Evgenıı Koshkın, Arına Ilıaşenko, Elızaveta Golýbeva jáne Krıstına Sılaeva bar.
Sonymen qatar byltyr jasóspirimder arasyndaǵy álem chempıonatynda bes altyn medal jeńip alǵan Krıstına Shýmekova da muz aıdynyna shyǵady. Sportshy jańa maýsymda eresekter sanatyna aýysty.
Jarys «Alaý» muz saraıynda ótedi.
Eske salaıyq, buǵan deıin Astanada konkımen júgirýden Qazaqstan chempıonaty ótkenin jazǵan edik.
