Astanada kondıterler festıvali ótti (FOTO)
ASTANA. QazAqparat - Elordada Astana kúnine oraı kondıterler festıvali ótip, 15-ten astam kásiporyn merekelik torttar, fırmalyq bálishter men basqa da kondıterlik ónimderin usyndy. Festıval qonaqtary tátti-dámdilerden tegin dám tatty, dep habarlaıdy elorda ákimdiginiń resmı saıtynda
Barlyq qonaqtar úshin merekelik kontserttik baǵdarlama men balalar úshin konkýrstar men vıktorınalar ótkizildi. Uıymdastyrýshylardyń aıtýynsha, festıvaldiń negizgi maqsaty - kondıterlik sheberlikti nasıhattaý, elordalyq aspazdardyń sheberlik deńgeıin arttyrý. Budan bólek, shara kondıterlerdiń óz týyndylaryn kórsetýdiń keremet múmkindigi bolyp tabylady.
«Astanada Kongres-hollda ótip jatqan osyndaı keremet festıvalǵa birinshi ret qatysyp otyrmyz. Bizge unady, baq synasqymyz keletin básekelesterimiz kóp. Munda óz ónimderimizdi usyndyq, atap aıtqanda bálishter men krýassandar. EKSPO-2017 kórmesi qarsańynda Qazaqstan eakspozıtsııasy formasynda tort pisirdik», - dedi «Iskakov» JK dırektory Evgenıı Nıgmanov.
Onyń aıtýynsha, krýassan daıyndaý kezinde kompanııa zamanaýı tehnologııalardy qoldanady, nátıjesinde dıetalyq ónim alynady, ári saqtalý merzimi de uzarady eken.
