Astanada kondıterler festıvali ótedi
ASTANA. QazAqparat - 4 shildede qala kúni qarsańynda dástúrli mereke - Astana qalasy kondıterleriniń festıvali ótedi. Kondıterlik ónim shyǵaratyn 20-dan astam kásiporyndar qala turǵyndary men qonaqtaryna tátti úlestirmekke Kongress-holǵa jınalady.
Bul týraly Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtaby habarlady.
Festıval elordada kondıterlik óner dárejesin arttyrýǵa, kásibı sheberlikti dáripteý maqsatynda ótkizilip keledi. Atalmysh shara aspaz sheberlerge ózderiniń tátti týyndylary men tańdaýly taǵamdaryn keń aýqymda tanystyrýǵa jáne táttiqumar jandarǵa dámdi merekeni bastan ótkerýge taptyrmas múmkindik bolmaq.
Festıval qatysýshylary Astana turǵyndary men qonaqtaryna «Astana - súıikti qalam!» atty eń basty atalymda san túrli torttar usynady.
Uıymdastyrýshylardyń pikirinshe, festıval qoǵamdyq tamaqtaný salasynda mamandardyń kásibı deńgeıin arttyrýǵa sep bolmaq. Shara aıasynda kórme-jármeńke ótkizilip, daıyndalǵan taǵamdardan dám úlestiriledi.
