Astanada qonaqúılerdi mindetti sertıfıkattaýdan ótkizý josparlanýda
«Qazirgi ýaqytta QR Investıtsııalar jáne damý mınıstrliginde qonaqúılerdi standarttaýdyń erejelerin jasap jatyr. Ázirge talqylaý júrip jatyr. Álemdik deńgeıde 241 standart bar eken. Jalpy Astana ákimdigi EKSPO-2017 kórmesi qarsańynda qaladaǵy barlyq qonaqúılerdi sertıfıkattaýdy tapsyrdy», - dep atap ótti departament basshysy.
Onyń aıtýynsha, atalmysh sertıfıkattaý barlyq qonaqúıler úshin mindetti bolmaq. Osyǵan oraı, ákimdikte barlyq quzyrly organdardyń qatysýymen arnaıy komıssııa da qurylady.
«Bul árbir qonaqúıge oń áserin beredi. Eger nysan sertıfıkattalǵan bolsa, ol qajetti aqparatty usynýy tıis. Olardy sertıfıkattaý úshin arnaıy ınspektsııalaý qyzmeti bolýy shart, ony kimder jasaıdy - bul da áli talqylanýy tıis. Otelderdiń júıeli túrde belgili bir standarttar boıynsha sertıfıkattalýy kerek. Sebebi sheteldik týrıst Qazaqstanǵa kelerde eki, úsh, tórt juldyzdy qonaqúıge tapsyrys beredi delik jáne sol jerge kelgende soǵan saı qonaqúıdi kórýdi qalaıdy. Qymbat qonaqúıler, árıne, sapaly qyzmet usyna alady. Biraq orta tabysty týrıst ol jerge barmaıdy. Oǵan tek baılar ǵana tapsyrys beredi. Biraq qarapaıym shetel azamaty tipti 2 juldyzdy qonaqúıge barýǵa daıyn, alaıda ol qonaqúıdiń soǵan saı ne saı emestigin tekserý úshin sertıfıkatyna mán beredi. Sondyqtan shetelden keletin týrısterdiń 80 paıyzy bıznes-otelderge jaıǵasady», - deıdi ol.
Sonymen qatar M.Iǵalıev 2017 jyldan bastap, Qazaqstan 48 eldiń azamattary úshin vızasyz rejım engizetindigin eske saldy.
«Qarapaıym týrıster aǵylady degen sóz, olar qymbat otelderge qonystanbaıdy. Olar - biz sııaqty orta tabysty azamattar. Olar arzanyraq 2, 3 juldyzdy qonaqúılerdi tańdaıdy. Alaıda qonaqúıler soǵan saı kelýi shart. Jergilikti otelderge osy baǵytta belsenýi kerek dep sanaımyn», - dep túıdi sózin departament dırektory.
«Astana Konvenshn Bıýro» JShS habarlaǵandaı, Astananyń nómirlik qory 30 000 jatyn ornyn quraıdy. 2017 jylǵa qaraı Astanada qosymsha 24 qonaqúı keshenin salý josparlanyp otyr - bul shamamen 2500 jatyn oryn.