Astanada qonaq úıdiń shatyry órtenip, 24 adam qaýipsiz jerge kóshirildi - QR TJM
ASTANA. 16 qarasha. QazAqparat - Astana qalasynda beısenbi kúni keshke tórt qabatty «Aqsý» qonaq úıi kesheniniń shatyry otqa orandy, dep habarlaıdy QR TJM-nen.
Jalyn 1,5 saǵattan keıin sóndirildi. Onymen kúreske QR TJM Astana qalalyq TJD órt sóndirý qyzmetindegi 22 adam men 7 tehnıka birligi jumyldyryldy. Órtti sóndirý kezinde 24 adam qaýipsiz jerge kóshirildi, sonyń ishinde qonaq úıdiń 5 qyzmetkeri boldy. Qaza tapqandar men zardap shekkender joq.
Budan basqa, Soltústik Qazaqstan oblysynyń Rassvet aýylynda keshke turǵyn úıdiń dálizi órtene bastady. Órt eki saǵattan keıin sóndirildi. Onymen kúreske QR TJM Soltústik Qazaqstan oblystyq TJD órt sóndirý qyzmetiniń 5 adamy men 2 tehnıka birligi jumyldyryldy. Jalyn tili 8 sharshy metr aýmaqqa tarady. Órt saldarynan termııalyq kúıikter shalǵan 14 jastaǵy qyz bala aýrýhanaǵa jetkizildi.
