Astanada qonaq otbasy tárbıesine berilgen jetim balalar sany 38% ósken

NUR-SULTAN. QazAqparat - Sońǵy eki jylda otbasy tárbıesine berilgen jetim balalar sany 38% ósken. Bul týraly Nur-Sultan qalasy máslıhatynyń kezekti sessııasynda qala ákiminiń orynbasary Nurlan Nurkenov aıtty, dep habarlaıdy QazAqparat tilshisi.

«Búgingi kúni elordada jetim jáne ata-ana qamqorlyǵynsyz qalǵan balalar sany - 838. Onyń ishinde 184 bala ınternatta, al 654 bala otbasynda tárbıelenýde. Balalar mekemelerinde tárbıelenip jatqan jetim jáne ata-ana qamqorlyǵynsyz qalǵan balalar sany 2,1% tómendedi. Sońǵy bes jylda kámeletke tolmaǵandarǵa arnalǵan balalar úıi, ómirlik qıyn jaǵdaıǵa tap bolǵan balalardy qoldaý ortalyǵy jabyldy», - deıdi Nur-Sultan qalasy ákiminiń orynbasary Nurlan Nurkenov.

Nurlan Nurkenov úshjaqty kelisimge sáıkes balany demalys jáne mereke kúnderine alyp baratyn qonaq otbasyna ornalastyrýdyń ýaqytsha túrin damytýǵa kóp kóńil bólinetindigin atap ótti.

Sońǵy eki jylda qonaq otbasylarǵa berilgen balalar sany 38% ósken

Onyń aıtýynsha, qazirgi ýaqytta «SOS: Qazaqstannyń balalar aýyly» korporatıvti qory ortalyqtyń turaqty toptarynan balalardy otbasylyq ortada odan ári bilim alý úshin «SOS: Qazaqstannyń balalar aýylyna» aýystyrý jumysyn kezeń-kezeńimen júrgizýde.

Eki jyl ishinde 40 bala balalar aýylyna aýystyryldy, bıylǵy oqý jylynyń sońyna deıin taǵy 7 bala aýystyrylady.

Eske sala ketsek, buǵan deıin máslıhat depýtaty jetim balalarǵa arnalǵan ortaq baza qurýdy usynǵan bolatyn.