Astanada konkımen júgirýden Álem kýbogynyń ІІІ kezeńi ótedi
ASTANA. QazAqparat - 2016 jyldyń 2-4 jeltoqsanynda «Alaý» muz aıdyn saraıynda Álem kýbogynyń ІІІ kezeńi ótedi. Shara Qazaqstan Respýblıkasy Táýelsizdiginiń 25 jyldyǵyna oraılastyrylyp otyr, dep habarlaıdy elorda ákimdiginiń baspasóz qyzmeti.
Sharany uıymdastyrýshylar - Astana qalasynyń ákimdigi, QR mádenıet jáne sport mınıstrligi, sondaı-aq «Ulttyq konkımen júgirýshiler federatsııasy» RQB.
Sporttyq jýrnalıstter men fotokorrespondentterdi akkredıtatsııalaý bastaldy, ol úshin belgilengen úlgidegi nysandy toltyryp, nfk_pr@mail.ru elektrondy poshtasyna joldaý kerek.
Ótinimder 4 qarashaǵa deıin qabyldanady.
Aıta keteıik, jaqynda Astanada konkımen júgirýden QR Kýbogy ótken bolatyn. Jarystyń qorytyndysy boıynsha Álem kýbogynyń kezeńderine qatysatyn el quramasyna kiretin sportshylar anyqtaldy.
