Astanada konkımen júgirý sportynyń ardagerleri arasynda «ALLROUND TROPHY 2012» týrnıri ótedi

Bul týraly muz saraıynyń baspasóz qyzmetinen málim etti.  

Atalmysh dodaǵa Qazaqstan, Reseı, Gollandııa, Norvegııa, Germanııa men Belarýs elderiniń konkımen júgirý sportynyń ardagerleri qatysady. Qazirgi ýaqytta muz alańyna shyǵýǵa 50 sportshy qyzý daıyndyq júrgizýde.

Sporttyq jarysty Qazaqstannyń konkımen júgirý qaýymdastyǵy men «Alaý» muz saraıy uıymdastyrýda.

«Atalǵan doda kezinde muz aıdynymyzda halyqaralyq týrnırler kezinde ádette bolatyn rekordtardy kútpeımiz. Bizdiń maqsatymyz tolyqqandy sport merekesin uıymdastyrý. Astanany konkımen júgirý sportynyń ardagerleri dástúrli túrde bas qosatyn qalaǵa aınaldyrý», - deıdi «Alaý» muz saraıynyń dırektory Naıl Nurov.

Eske sala keteıik, ardagerler jarysatyn qashyqtyqtar 500, 1500, 1000 jáne 3000 metrdi quraıdy. Tanymal qonaqtardyń ishinde reseılik Tatıana Sıdorova bar. Ol halyqaralyq sanattaǵy sport sheberi, 1964 jylǵy Olımpıada oıyndarynyń qola júldegeri, 500 metr qashyqtyǵynda birneshe dúrkin rekordtyń ıesi. 

Jarys 11 aqpanda 12.00-de bastalady.