Astanada konkımen júgirý sportynan el Kýbogi ótip jatyr
ASTANA. QazAqparat - Astanadaǵy «Alaý» muzaıdyny saraıynda konkımen júgirýden el Kýbogi ótip jatyr, dep habarlaıdy QazAqparat qala ákimdiginiń baspasóz qyzmetine silteme jasap.
Bul týrnır sportshylar úshin maýsymnyń resmı ashylýy dep sanalady jáne 26-28 qazanda ótetin Qazaqstan chempıonatyna daıyndyq kezeńi bolyp tabylady. Birinshilikte el quramasyna kiretin jáne Álem kýbogyna qatysatyn sportshylar anyqtalady.
Jarystyń alǵashqy kúni elordalyq sportshylar úsh altyn men bir qola medaldar enshiledi. Nadejda Sıdelnık 500 metr qashyqtyqta top jarsa, 3 km júgirýde «qola» oljalady.
Erler arasyndaǵy komandalyq jarysta astanalyq sportshylar Dmıtrıı Morozov, Demıan Gavrılov, Artýr Galıev top jardy. Áıelder arasyndaǵy sprıntte de elordalyqtar kósh bastady. Munda Nadejda Sıdelnık, Margarıta Artemeva, Ekaterına Brynza jeńiske jetti.
Chempıonat 14 qazanǵa deıin jalǵasady. Búgin qatysýshylar - úsh, erteń eki qashyqtyqta saıysqa túsedi.
Aıta keteıik, konkımen júgirý sportynan Álem kýbogynyń úshinshi kezeńi 2-4 jeltoqsanda Astanada ótedi.
