Astanada konkıden Qazaqstan chempıonaty ótip jatyr
ASTANA. QazAqparat - Astanadaǵy «Alaý» sport kesheninde konkı sportynan el birinshiligi bastaldy, dep habarlaıdy QazAqparat tilshisi.
El birinshiligine elimizdiń 8 oblysynan jalpy 150-ge jýyq konkıshi baq synaýda. Bul chempıonatta jeńis tuǵyrynan kóringen sportshylar qarasha aıynda bastaý alatyn Álem kýbogyna joldama alady.
Al Álem kýbogynda baǵy janǵan muz aıdyn sheberleri kelesi jyly Ońtústik Koreıada ótetin Qysqy Olımpıada oıyndarynda óner kórsetý múmkindigine ıe bolary anyq. Sol úshin el birinshiliginde barlyq sportshylar barynsha ónerlerin pásh etýge asyǵary sózsiz.
Keshe, jarystyń áıelder arasynda birinshi kúni Ekaterına Aıdova 500 metrlikte (38,91 sekýnd) eń úzdik nátıje kórsetse, erler synynda Roman Krech (35,22 sekýnd) top jardy. Búgin orta qashyqtyqtaǵy chempıondar anyqtalady.
