Astanada konkıden álem kýbogynyń kezeńi ótedi
ASTANA. QazAqparat - 2-4 jeltoqsan aralyǵynda Astanadaǵy «Alaý» muz saraıynda konkımen júgirýden álem kýbogynyń úshinshi kezeńi ótedi, dep jazady «Habar 24».
28 eldiń eń tańdaýly konkıshileri qatysatyn halyqaralyq jarysqa Qazaqstan quramasy da daıyndyqty bastady. Nagano olımpıadasynyń qola júldegeri Lıýdmıla Prokashevadan tálim alatyn ulttyq qurama sportshylary «Alaý» muz saraıynda oqý-jattyǵýlaryn pysyqtaýda.
Bıylǵy maýsym Qazaqstandyq konkıshiler úshin tabysty bastaldy. Qytaıdyń Harbın qalasyndaǵy álem kýbogynyń ekinshi kezeńinde Roman Krech 500 metrlikte top jaryp, jalpy esepte ekinshi orynǵa kóterildi.
Keńesshi-jattyqtyrýshy Vadım Saıýtınniń aıtýynsha, Krech bul joly da medaldan úmitti sportshynyń biri.
«Negizgi úmitti Roman Krechke artamyz. Aıdova da jaraqatynan aıyǵyp, babyna ene bastady. Ol jarys saıyn óz nátıjesin joǵarylatyp, myqtylar tobynda saıysqa túsýge múmkindik aldy. Al, Denıs Kýzın áli babyna engen joq. Alys qashyqtyqqa júgiretin Dmıtrıı Babenko ótken álem kýbogy kezeńinde segizinshi oryn aldy. Mass-startta Babenkonyń jolyna kóz tigemiz. Medaldan úmit bar», - deıdi QR quramasynyń jattyqtyrýshysy Vadım Saıýtın.
