Astanada konkı tebý sportynan Álem Kýbogy ótedi
ASTANA. 27 qarasha. QazAqparat - 29 qarashada Astanada «Alaý» muz saraıynda konkı tebý sportynan birden-bir erekshe saıys - Álem Kýbogy ótedi. Bul týraly astana.kz saıtyna qalalyq Týrızm, dene shynyqtyrý jáne sport basqarmasynan habarlady.
«Álemniń 30 elinen kelgen úzdik sportshylar, sonyń ishinde álem juldyzdary, olımpıada men álem chempıonatynyń júldegerleri kúsh synasady. Dál osy «Alaý» sport kesheninde 10 000 metrge júgirýden «Sochı-2014» Olımpıadasyna joldama sarapqa salynady. Olımpıadalyq oıyndarǵa irikteý jarystan-jarysqa qıyndap keledi. Básekelestik órship tur. Sochı Olımpıadasynda 10 000 metrge júgirý úshin Álem Kýbogynda úzdik 16 sportshynyń qataryna ený kerek», - delingen habarlamada.
«Alaýdaǵy» muzdyń sapasy men sportshylardyń olımpıada qarsańynda júrgizgen qarqyndy daıyndyqtaryn eskersek, Astanada ótetin jarysta jańa álem rekordynyń tirkelýine baılanysty tarıhı oqıǵanyń kýágeri bolýymyz ábden múmkin.
Qazaqstan quramasynyń sapynda qazirgi álem chempıony Denıs Kýzın, elimizdiń birneshe dúrkin jeńimpazdary men rekordsmenderi Ekaterına Aıdova, Roman Krech, Aleksandr Jıgın, Fedor Mezentseter, Dmıtrıı Babenko el namysyn qorǵaıdy.
Astanada Álem Kýbogynyń kezeńi kelesi baǵdarlama boıynsha ótedi:
29 qarasha. Áıelder: 500m, 5000m. Erler: 1500 m.
30 qarasha. Áıelder: 500m, 1500m. Erler: 500m, 1000m.
1 jeltoqsan. Áıelder: 1000m. Erler: 500m, 10000m.
Jankúıerler úshin kirý - tegin.
