Astanada konkı sportynan el chempıony anyqtaldy
ASTANA. QazAqparat - Astanada konkı sportynan ótken Qazaqstan chempıonatynda Ekaterına Aıdova jeńimpaz atandy, dep habarlaıdy QazAqparat QR UOK baspasóz qyzmetine silteme jasap.
Áıelder arasynda Ekaterına Aıdova el birinshiliginde qarsylas shaq keltirmedi. Ol sprıntten tys basqa da qashyqtyqtarda top jardy.
Áıelder arasyndaǵy kópsaıysta ekinshi oryndy Tatıana Sokırko ıelense, úzdik úshtikti Valerııa Chadova qorytyndylady.
Erler arasyndaǵy sprınt pen klassıkalyq kópsaıysta Ivan Arjanıkov úzdik atandy.
Kúmis júlde Dmıtrıı Morozovqa buıyrsa, qola júldeni Demıan Gavrılov qanaǵat tutty.
Aıta keteıik, bul úsh sportshymyz Dmıtrıı Babenkonyń qol astynda Mınskide ótken stýdentter arasyndaǵy álem chempıonatynda baq synaǵan bolatyn.
