Astanada kómir satyp alýǵa ótemaqy beriledi: oǵan kimder quqyly
ASTANA. KAZINFORM — Astanada peshpen jylytylatyn úıde turatyndarǵa ótemaqy tólenedi, dep habarlaıdy qalalyq Jumyspen qamtý jáne áleýmettik qorǵaý basqarmasy.
Astana qalasynyń turǵyndary úshin 2023 jylǵy 3 qazanda Astana qalasy máslıhatynyń № 84/10-VIII sheshimimen bekitilgen «Áleýmettik kómek kórsetý, onyń mólsherin belgileý jáne muqtaj azamattardyń jekelegen sanattarynyń tizbesin aıqyndaý qaǵıdalaryna» sáıkes, qatty otyn, ıaǵnı kómir satyp alýǵa arnalǵan áleýmettik kómek qarastyrylǵan.
Atalǵan kómek Astana qalasynyń Jumyspen qamtý jáne áleýmettik qorǵaý basqarmasy arqyly júzege asyrylady.
Kimder ala alady?
Kómek kelesi sanattaǵy azamattarǵa taǵaıyndalady:
-
jasy boıynsha zeınetkerler;
-
múgedektigi bar adamdar;
-
múgedektigi bar balalar;
-
áleýmettik mańyzy bar aýrýlarǵa shaldyqqandar;
-
kópbalaly analar jáne kópbalaly otbasylar;
-
jetim balalar, ata-anasynyń qamqorlyǵynsyz qalǵan balalar;
-
balalar úıleriniń túlekteri;
-
asyraýshysynan aıyrylý jaǵdaıy boıynsha memlekettik járdemaqy alatyn azamattar
(olarmen birge turatyn 18 jasqa deıingi balalar jáne kúndizgi bólimde oqıtyn, 23 jasqa deıingi stýdentter úshin).
Qandaı talaptar bar?
Kómek alý úshin kelesi sharttar oryndalýy tıis:
-
jan basyna shaqqandaǵy tabys mólsheri tórt eń tómengi kúnkóris deńgeıinen aspaýy tıis;
-
kómek alatyn azamat pen onyń otbasy músheleriniń basqa turǵyn úıi bolmaýy kerek;
-
otbasy jeke menshigindegi (nemese jalǵa alynǵan) jer (peshpen jylytylatyn) úıde turýy qajet.
Kómek mólsheri qandaı?
2025 jylǵy jylytý maýsymyna arnalǵan ótemaqy mólsheri — 16 aılyq eseptik kórsetkish (AEK), ıaǵnı 62 912 teńge.
— Eger qatty otyn satyp alýǵa quqyǵy bar birneshe adam bir jeke turǵyn úıde birge turatyn bolsa, ótemaqy tek bireýine ǵana beriledi, — delingen vedomstvo habarlamasynda.
Qosymsha aqparat pen qujattardy tapsyrý tártibi boıynsha málimetti Astana qalasynyń Jumyspen qamtý jáne áleýmettik qorǵaý basqarmasynan alýǵa bolady.
Budan buryn Astanada medıtsına qyzmetkerlerine 90 mln teńge áleýmettik aýdarym, syıaqy tólenbegeni anyqtaldy.