Astanada kommýnaldyq qyzmetter kúsheıtilgen jumys rejımine kóshti
ASTANA. KAZINFORM – Astanada bir táýlik ishinde myń tekshe metrden astam qar kúreldi.
Astanada kún sýytyp, alǵashqy qar jaýǵan soń qalanyń kommýnaldyq qyzmetteri kúsheıtilgen jumys tártibine kóshti. Qar kúreý jumysyna júzdegen arnaıy tehnıka men jol jumysshylary jumyldyryldy.
4 qarasha kúni qala aýmaǵynan myń tekshe metrden astam, ıaǵnı 86 júk kóligi qar shyǵarylǵan.
5 qarashaǵa qaraǵan túni qar kúreý jumysyna 374 arnaıy tehnıka men 234 jol jumysshysy qatysqan.
Eń aldymen negizgi kóshe magıstraldary men qoǵamdyq kólik júretin baǵyttar tazalanady. Keıin tazalaý jumysy qozǵalys qarqyny ortasha ýchaskelerde – aýlalarda, alańdarda, trotýarlar men aıaldamalarda júrgiziledi.
Astana ákimdigi qala turǵyndary men qonaqtaryn qaýipsizdik erejelerin saqtaýǵa, joldar men jaıaý júrginshi aımaqtarynda barynsha abaı bolýǵa, sondaı-aq aýa raıy nasharlaǵan jaǵdaıda alys jolǵa shyqpaýǵa shaqyrady.
Aıta ketelik Aqmola oblysynda kóktaıǵaqqa qaramastan jazǵy dóńgelekpen shyqqan júrgizýshiler joldan qaıtarylǵan edi.