Astanada kommýnaldyq qyzmet daýyldyń saldaryn joıý úshin kúsheıtilgen rejımde jumys isteıdi

Kúnniń buzylýyna, atap aıtqanda, ekpini 15-20 m/s bolatyn ońtústik-batys jeliniń kúsheıýine, keı tustarda 23 m/s bolýyna baılanysty elordanyń kommýnaldyq qyzmetteri kúsheıtilgen rejımde jumys isteıdi, dep habarlaıdy Kazinform Astana ákimdiginiń resmı saıtyna silteme jasap.

Qalanyń kommýnaldyq qyzmetteri tabıǵı jeldiń saldaryn joıý úshin kúsheıtilgen rejımde jumys istep jatyr.

Búgin saǵat 21:30-da qatty jeldiń saldarynan №79 mektep-lıtseıiniń qasbetiniń bir bóligi opyrylyp tústi. Zalaldyń boljamdy kólemi – shamamen 120 sh.m. Qalpyna keltirý jumysy erteń bastalady. Qaýipsizdik maqsatynda ýchaske qorshalady, qulaǵan bóligi tańerteń shyǵarylady.

Aýa raıyna baılanysty turǵyndar shuǵyl qajettilik bolmaǵan jaǵdaıda kóshege shyqpaǵany jáne úıde bolǵany jón.

Balalardy qaraýsyz qaldyrmańyz. Eger kóshede júrgende qatty jelge tap bolsańyz, qutqarýshylar jerasty ótkelderin nemese ǵımarattardyń kireberisterin panalaýdy usynady.

Úılerdiń qabyrǵasynyń janynda qatty jelden jasyrynbańyz, óıtkeni shıfer men basqa da materıaldar shatyrdan qulaýy múmkin.