Astanada kómirmen baılanysty jaǵdaıdy qadaǵalap otyrý úshin jedel jeli quryldy
ASTANA. QazAqparat - Elordaǵa 27 qyrkúıek kúni 31 vagon nemese 2155 tonna kómir jetkizildi, dep habarlaıdy Astana qalasy ákimdiginiń resmı saıty.
27 qyrkúıektegi jaǵdaı boıynsha «kómir satylatyn jerde» kómirdiń jalpy qory 7998,55 tonnany quraıdy. Astana qalasynyń otyn-energetıkalyq kesheni jáne kommýnaldyq sharýashylyq basqarmasy baǵa ósiminiń aldyn alý úshin kómir satýshylarmen memorandýmdarǵa qol qoıdy.
«Qyrkúıek aıynyń 20 kúninde 56 myń tonna kómir jetkizildi. Bul aýqym ótken jyldyń osy kezeńimen salystyrǵanda 2,3 esege artyq. Astana qalasy ákimdigi kómir naryǵyndaǵy jaǵdaı kún saıyn baqylap otyr. Sondaı-aq osy máselege baılanysty «I-Kómek 109» negizinde turǵyndarǵa arnalǵan jedel jeli quryldy»,-delingen habarlamada.
