Astanada kómir tóńireginde dúrbeleń týyndamaı ma
«Aǵymdaǵy jyly kómir baǵasy ózgere qoıǵan joq. Oǵan Astana qalalyq ákimdiginiń kómir satýshylarmen jasasqan memorandýmy óz septigin tıgizdi jáne barlyq baǵa bekitilgen. Máselen, Shubarkóldiń bir tonnasy 13 500-14 500, Maıkúbi 12 500 myń, Qarajyra 14 000, Bogatyr 9500 teńgeden satylýda», - dedi ol.
Onyń aıtýynsha, mundaı baǵa qaladaǵy 12 kómir satatyn orynda belgilengen. Munan bólek, 7 jekemenshik kómir satatyn jerden de qatty otyndy dál osyndaı baǵaǵa satyp alýǵa bolady. Jalpy, aǵymdaǵy jyldyń 1 qańtarynan 2 qazanǵa deıin elordaǵa 291 650 tonna nemese 4197 vagon kómir jetkizilgen. Tek 1 maýsymnan bastap osy ýaqytqa jetkizilgen kómir kólemi 117 myń tonnadan asyp jyǵylady. Bul ótken jyldyń dál osyndaı kezeńimen salystyrǵanda 2 esege kóp.
«Sondyqtan kómir tóńireginde dúrbeleń joq deýge bolady. Jalpy Astana ákimdigi kómir tóńireginde dúrbeleń oryn almaý úshin jaz aılarynan bastap úgit jumystaryn júrgizdi. Biz azamattarǵa qatty otyndy jaz aılarynan bastap satyp alýdy ótindik. Oǵan jetkilikti kólemde kómir de ákeldik. Qazirgi ýaqytta aıta qoıarlyqtaı dúrbeleń bolmaǵanymen kómir satatyn jerlerde kezektiń bar ekendigi ras. Biraq, ol jyldam jyljyp jatyr», - dedi B.Baısadyqov.
Sonymen qatar Baǵdat Baısadyqov elordada 20 táýlikke jetin otyn qorynyń bar ekendigin aıtqan bolatyn.
Al Astana qalalyq otyn-energetıkalyq kesheni jáne kommýnaldyq sharýashylyǵy basqarmasynyń bólim bastyǵy Maqsat Ysmaǵulov kómir alypsatarlarymen kúres júrgizilip jatqanyn atap ótti.
