Astanada kómir tapshylyǵy joq
ASTANA. QazAqparat - Jyl basynan beri Astana qalasyna 320 myń tonna kómir jetkizilgen, dep habarlaıdy Astana ákimdiginiń resmı saıty.
Osy jyldyń 1-15 qańtar aralyǵynda Astanaǵa túrli markadaǵy 321 672 tonna kómir jetkizilgen. Astana ákimdiginiń aqparatyna saı, qazirgi kezde Elordada kómir tapshylyǵy baıqalmaıdy.
«Ákimdiktiń buqaralyq aqparat quraldarynda, áleýmettik jelilerdegi aqparattandyrý jumystarynyń nátıjesinde qala turǵyndary kómirdi satýshylardan tikeleı qol jetimdi baǵada alýda», - dep habarlady ákimdik.
Eń suranysqa ıe - «Shubarkól» kómiri. Ótken jyldyń jeltoqsan aıynda jetkizý qunyn qospaǵanda bir tonnasy 11 500 tg bolǵan.
2018 jyldyń 4 qańtarynan bastap bul kómir túriniń taýar bırjasyndaǵy saýdalaný qunynyń kóterilýine baılanysty baǵasy 1000 tg ósken.Oǵan sebep JJM-dyń, temirjol vagondarynyń stantsııadan tuıyqqa jetkizý qunynyń ósýine baılanysty», dep habarlady ákimdik.
Esterińizge sala keteıik, qala boıynsha 15 kómir satý beketi jumys isteýde, sonyń jeteýi - iri beket. Sonymen qatar, qalada kommýnaldyq qajettilikti qamtamasyz etýge arnalǵan kómirdi qabyldaıtyn 20 júk beket jumys jasaýda.
