Astanada «Qoljetimdi turǵyn úı - 2020» baǵdarlamasy boıynsha halyqqa arnalǵan turǵyn úıdi satý tetikteri talqylanady
Bul týraly «Samuryq-Qazyna» Ulttyq ál-aýqat qory» AQ baspasóz qyzmeti habarlady.
«Qoljetimdi turǵyn úı-2020» baǵdarlamasy Qazaqstan Respýblıkasynyń Prezıdenti N.Á. Nazarbaevtyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýynda 2012 jylǵy 27 qańtarda bergen tapsyrmasyn iske asyrý maqsatynda qabyldandy.
«Qoljetimdi turǵyn úı-2020» memlekettik baǵdarlamasy 9 baǵyt boıynsha jumys isteıdi. Baǵdarlamada qazaqstandyqtardyń ártúrli sanattarǵa baǵdarlanǵan naqty, pármendi tetikteri kózdelgen. Bul - jergilikti atqarýshy organdardyń kezektegilerge arnalǵan turǵyn úı, QR Turǵynúıqurylysjınaqbanki jelisi boıynsha turǵyn úı, «QIK» AQ turǵyn úıi, «Samuryq-Qazyna» jyljymaıtyn múlik qorynyń turǵyn úıi qurylysy baǵdarlamalary jáne t.b.
Bizge osy baǵdarlamanyń atalǵan operatorlary turǵyn úı satýdyń qandaı tetikterin usynady? Baǵdarlama qatysýshylary úshin ınternet arqyly turǵyn úı satý tetigi qolaıly ma? Kezekti jalǵastyrýdyń ashyqtyǵy qalaı qamtamasyz etiledi? Jyljymaıtyn múlik qory «Qoljetimdi turǵyn úı-2020» baǵdarlamasy sheńberinde qandaı jyljymaıtyn múlikti usynady? Qaı qalalarda? Osy jáne basqa da máselelerdi klýbtyń jetekshisi Nurlan Erimbetov shaqyrylǵan sarapshylarǵa talqylaý úshin usynady.
«Sarapshy» klýbynyń otyrysyna memlekettik organdardyń ókilderi, QR Parlamentiniń depýtattary, qoǵamdyq uıymdardyń, kásipodaqtar men BAQ-tardyń ókilderi, sondaı-aq sarapshylar, jýrnalıster qatysady.
«Samuryq-Qazyna» AQ janynan 2011 jyly qurylǵan «Sarapshy» klýby - bul respýblıkada bolyp jatqan barynsha mańyzdy problemalar men áleýmettik-ekonomıkalyq úderisterdi talqylaýǵa arnalǵan ashyq aqparattyq jáne taldamalyq alań.
