Astanada «Qoljetimdi turǵyn úı - 2020» baǵdarlamasy aıasynda jyl aıaǵyna deıin 420 páter salynady
ASTANA. 7 qarasha. QazAqparat - Elordada «Qoljetimdi turǵyn úı - 2020» baǵdarlamasy aıasynda jyldyń aıaǵyna deıin jalpy kólemi 21 myń sharshy metr turǵyn úı nemese 420 páter salynatyn bolady,
dep habarlaıdy elordanyń remı saıty Astana qalasynyń Qurylys basqarmasyna silteme jasap.
«Qoljetimdi turǵyn úı - 2020» baǵdarlamasyn Úkimet Memleket basshysynyń Qazaqstan halqyna arnaǵan «Áleýmettik-ekonomıkalyq jańǵyrý - Qazaqstan damýynyń basty baǵyty» Joldaýynan týyndaıtyn tapsyrmalarǵa baılanysty júzege asyrýda. Baǵdarlamada turǵyn úı qurylysyn memlekettik qoldaýdyń keshendik sharalary qarastyrylyp, onyń basty maqsaty azamattardy qoljetimdi turǵyn úımen qamtamasyz etý bolyp tabylady
Baǵdarlamaǵa sáıkes, 2012- 2020 jyldary 69,05 mln sharshy metr turǵyn úıdi paıdalanýǵa berý josparlanǵan. Qazaqstan boıynsha 2012 jyldyń 9 aıynda 4,5 mln. sharshy metrden astam turǵyn úı paıdalanýǵa berildi.
