Astanada «Qoljetimdi baspana-2020» baǵdarlamasy boıynsha úsh turǵyn úı kesheni tapsyrylady

ASTANA. QazAqparat - Kelesi jyly Astanada «Qoljetimdi baspana-2020» baǵdarlamasy boıynsha úsh kóp páterli turǵyn úı kesheniniń qurylysy aıaqtalady. Astana qalasy Qurylys basqarmasynyń habarlaýynsha, jalpy aýdany 48,4 myń sharshy metrdi quraıtyn turǵyn úı keshenderi myna mekenjaılar boıynsha ornalasqan:

- Brýsılovskıı, Imanov jáne Jubanov kósheleriniń aýdanynda, jalpy aýdany 11,9 myń sharshy metrlik 272 páter;

- Tilendıev dańǵylynyń ońtústiginde Sarybulaq ózeniniń boıynda jalpy aýdany, 14,6 myń sharshy metrlik 295 páter;

- Tilendıev dańǵylynyń ońtústiginde Sarybulaq ózeniniń boıynda, 22,9 myń sharshy metrlik 530 páter.

Osylaısha, 2015 jyly 1 097 elordalyq otbasy jańa páterlerge qonystanyp, ózderiniń turǵyn úı jaǵdaılaryn jaqsartady. Búgingi tańda memlekettik baǵdarlamany odan ári júzege asyrý úshin vedomstvoda taǵy da 5 turǵyn úı kesheniniń qurylysyn bastaý úshin jobalyq-smetalyq qujattama ázirlenip jatyr.