Astanada kólik kartasyn satyp alýǵa arnalǵan RTVM-avtomattar birtindep óshiriledi
ASTANA. KAZINFORM – Elordada RTVM-avtomattar birtindep óshiriledi. Bul týraly elorda ákimdiginiń resmı saıty CTS-ke silteme jasap habarlaıdy.
Kompanııa málimetinshe, RTVM-avtomattardy demontajdaý kezeń-kezeńimen júrgiziledi. Barlyǵy qala boıynsha 30 RTVM-avtomaty bar.
30 naýryzda 6 RTVM-avtomat óshiriledi:
* «Severnyı» SÚ, Qosshyǵululy kóshesi, 9;
* «Suńqar» SÚ, Respýblıka dańǵyly, 26;
* «Orbıta» SÚ, Petrov kóshesi, 1;
* «Magným» SO, Edil kóshesi, 21;
* Ǵabıt Músirepov kóshesi, 9B;
* «Magným» SO, Ýálıhanov kóshesi, 20.
Aıta keteıik, osyǵan deıin «Aımaq Taý» CÚ ornalasqan 2 RTVM-avtomat óshirilgen.
Qalǵan RTVM-avtomattar qalypty jumys istep tur. Olardyń óshirilýi týraly qosymsha habarlanady.
Aıta keteıik, búginde Astana qalasynda engizilip jatqan jańa elektrondy tólem júıesi kólik kartasynyń teńgerimin qashyqtan jáne lezde tolyqtyrýǵa múmkindik beredi. Sondaı-aq jaqynda kólik kartasyn toltyrýdyń jańa ádisi engiziledi.
