Astanada kólik aıaldamaǵa soǵyldy: Aýrýhanaǵa 8 adam jetkizildi
Astana qalalyq Densaýlyq saqtaý basqarmasynyń baspasóz qyzmeti aıaldamalardyń birine kóliktiń soǵylýynan zardap shekkenderdiń jaǵdaıy týraly aıtty, dep habarlaıdy QazAqparat tilshisi.
«29 qyrkúıek kúni №1 kópsalaly qalalyq aýrýhanaǵa jedel járdem jelisi boıynsha 7 adam oqıǵa ornynan jetkizildi. Keshendi qaraý men mamandar alqasynyń qorytyndysynan keıin 2 adam jaraqattar men protezdeý bólimine jatqyzyldy. 5 naýqas ambýlatorlyq emge joldandy. Olar ózderi tirkelgen aýrýhananyń baqylaýynda bolady», – dedi basqarmadan.
Jaraqat alǵandardyń arasynda 5 jasar qyz bar.
«Sondaı-aq jedel járdem jelisi arqyly №2 kópsalaly qalalyq balalar aýrýhanasyna 2018 jyly týǵan qyz bala oqıǵa ornynan jetkizildi. Ony travmotolog, neırohırýrg, jaq súıegi men betke mamandanǵan hırýrg qarady. Rentgenografııaǵa túsirilip, mıǵa kompıýterlik tomografııa jasaldy. Jaraqaty gıpspen tańylyp, ambýlatorlyq emge joldandy», – dep naqtylady vedomstvonyń baspasóz qyzmetinen.
Buǵan deıin habarlaǵanymyzdaı, búgin saǵat 08.31-de «Mercedes-Benz» avtokóligi A.Baıtursynuly kóshesimen T.Júrgenov kóshesine qaraı kele jatyp, jolaq aýystyrar kezde óz betimen ketip bara jatqan «Mazda» kóligine apat jaǵdaıyn týyndatqan. Saldarynan «Mazda» júrgizýshisi tizginge ıe bola almaı qalyp, aıaldamaǵa soǵylǵan.
Posmotret etý pýblıkatsııý v Instagram
